Sicario (2015)

Aðalpersóna Sicario, sem þýðir leigumorðingi í Mexíkó, er alríkislögreglukonan Kate Macer sem lítur á það sem köllun sína að berjast gegn glæpum og glæpamönnum og skortir ekki hugrekki til þess. Dag einn er hún send af yfirmönnum sínum til liðs við liðsfélaga sína við mexíkósku landamærin, en þeir eru að reyna að hafa uppi á stórtækum eiturlyfjakóngi sem gert hefur þeim lífið leitt að undanförnu. Til að það megi heppnast dugar ekkert minna en að stinga höfðinu beint í gin ljónsins og vera um leið berskjölduð fyrir árás glæpamannanna.