Apocalypse Now: Final Cut (1979)

Stríðið í Víetnam stendur sem hæst og bandaríski höfuðsmaðurinn Willard er sendur af Lucas undirofursta í verkefni, sem er háleynilegt, enginn á að vita að það hafi verið framkvæmt. Verkefnið snýr að því að finna hinn dularfulla sérsveitarmann og undirofursta Walter Kurtz, en einkaher hans er kominn yfir landamærin til Kambódíu og stendur þar í skæruhernaði gegn Víet Cong og her Norður Víetnama. Bandaríski herinn heldur að Kurtz sé gjörsamlega búinn að missa vitið og Willard á að taka hann af lífi. Willard fer niður Nung ánni á bandarískum eftirlitsbát, og kemst á leiðinni að því að Kurtz er einn heiðraðasti foringinn í bandaríska hernum. Flokkur Willards hittir herforingjann og brimbrettagaurinn, undirofursta Kilgore, sem er yfirmaður þyrlusveitar bandaríska hersins í Víetnam, sem byrjar á því að útrýma bækistöð Víet Cong liða til að ryðja veginn svo Willard geti hafið för sína niður eftir Nung ánni. Á ferðinni eftir ánni lenda þeir svo í ýmsum atvikum og sumir áhafnarmeðlimir missa lífið. Willard, Lance og Chef ná svo loks á áfangastað, bækistöð sjálfs Walters Kurtz.