Misery (1990)

Metsöluhöfundurinn Paul Sheldon er á leiðinni heim til sín frá sumarhúsi sínu í Colorado eftir að hafa lokið við handrit nýjustu bókar sinnar. Hann lendir í snjóstormi og keyrir útaf og slasast talsvert. Fyrrum hjúkrunarkonan Annie Wilkes kemur honum til bjargar, en það vill til að Annie er "mesti aðdáandi Pauls". Hún fer með Paul heim til sín, sem er afskekkt hús uppi í fjöllum, og lætur engan vita. Til allrar óhamingju fyrir Paul, þá er Annie snarklikkuð. Þegar hún uppgötvar að Paul lætur aðal kvensöguhetjuna deyja í nýjustu bókinni sinni, þá grípur hún til sinna ráða.